احبها صح ...... بس اتزوجها ((انا مهبول ))

احبها صح ...... بس اتزوجها ((انا مهبول ))

.. احنا بدنا 50 سنهـ لحد نوصل إلى مرتبة الفاهمين بالحب !!! ..

.. طبعا حسب رؤية أهل الحب الجديد..؟! ..

.. احنا نعرف الحب قبل لايعرفونهـ هم ..؟! ..

الحب معانٍ ساميهـ وفن لا يستطيع اتقانه الا ذوي القلوب الطاهرهـ
:

أنا بنظري ان جيلنا شوّهـ مفهوم الحب سعياً وراء ملذاته الداخليهـ
:

لننظر برههـ إلى عنواني ..!

احبها صح ...... بس اتزوجها ((انا مهبول ))

عبارهـ يرددها أغلب شباننا اليوم

أنا أُحب هذهـ الفتاة لفترهـ مؤقتهـ كانت طويلهـ او قصيره

لكن لا بد من نهايهـ وحد قد يدمر أحد الطرفين او كلاهما نفسيا ومعنويا

فعندما يقرر الشاب الارتباط لابد أن يبحث عن شريكة حياة لم يسبق لها الارتباط بأي شاب وعبر
اي وسيله

نلاحظ أن الغيرهـ على الذات ما زالت موجوده لكن لذاته واهله

ولا يهمني ما يحدث لغيري

[ بصريح العبارهـ ]

أغلب شباب وبنات اليوم أصبحوا ينظرون للحب بمعنى التسلية المؤقته سريعة الزوال وذلك لتلبية رغبات خاصة

والاغلبية الساحقهـ لا يعترف بحبه خوفا على سمعته لأن الحب مشوه وغير طاهر ..!!!

[ وقفه مع التاريخ ]

تاريخنا زاخر بقصص الحب العفيف ..
وكثير منا لم يقتل بالسيف بل بالحب ..

[ مجرد تساؤل ]

طيب لماذا يخرج علينا بعضهم ليقول أحب فلانهـ !|[ أسف مايطلع اسمها ]|!

لأن الحب أصبح تشويهـ سمعهـ والسبب لأن الحب جاء باب لبعضهم للوصول

إلى أشياء أخرى لاعلاقة لها بالحب ....

[ مجرد أقتباس لحادثه]

شخص يحب فتاة يجلس أمامي يتحدث عن الجمال الحسين وعذب الاحاديث ^_^

وتقول لهـ تزوجها يقول لكـ
(اتوزج وحدمثل كذا؟؟!ا )

[ عجباً ]

توكـ تقول ..!!

[ مقاطعه ]

قال احبها قال ههه ..!!

احبها شي واتزوجها شي ثاني..!!!!!

[ متابعهـ ]

احبك نعم ...

اتزوجك لا ..

على أي أساس حبيته .؟

إعجاب وكبر في عينك وبلغ حد الحب ..

ام تعليق من القفا بشماعه

الإنتظار لحين رحيل قطار الحياه ومن ثم رميه ..

على رصيف العاشقين .. طوابير من المنتظرين ... والي بعده .. [ وهلم جرى ]

سؤالي هو!

هل تخجل أوتخجلين من معرفة الناس انكـ تحب او تحبين ...؟

وما رايك في الموضوع بوجه عآآمـ في العصر الحآآآلي ..؟

وهل تقبل او تقبلين الزواج من شخص احببته عبر اي وسيلة ؟؟

انا بفتخر انو لقيت حدا حبه ويحبني

مممم ليكي كل واحد له تفكير وعاطفية وشعور بيختلف

شكرا لموضوعك الجميل

تحياتي لكي

ابن الشام

على فكرة الموضوح حلو وبيستحئ النقاش
انا واحد من الناس يللي بيؤمن بأن الحب غير الزواج
لأن الحب ناس كتير ما بيعرفوه
ممكن القلب يعشق وحدة غير صالحة للزواج
يعني:
مو مسخرة أو ضحك بس شي شب يئوول انا بحبها بس مابدي أو ما فيني اتزوجها
لأن القلب بيحب على كيفو بس العقل بيتزوج يللي بيناسبو

هلا براء نور الموضوع بمرورك

بس ماجاوبتني ع الاسئلة

1- بترضى انك تحكي عن حبيبتك للناس ولا بتخجل تحكي عنا؟؟

2- شو رئيك بالحب بالوئت الحالي؟؟

3- بترضى انك تتزوج اللي حبيتا مهما كانت طريقة تعارفكن؟؟

اهلين ابن الشام

مشكور عالمرور

مزبوط كلامك انو لكل واحد شعور وعاطفة بيختلف عن التاني

بس بدي رئيك بشكل عام

او رئيك بالنسبة ئلك ممكن انك تتزوج من اللي حبيتا دون تعليق ع طريقة التعارف

ولا انت مع اللي بيئول الحب غير الزواج

وشو رئيك بحب هالايام بشكل عام

هلا عامر

مشكورك ع ردك وع مرورك

بس برئيك هالشب ليش لحتى يحب ازا بدو يترك اللي بحبا

وبتئلي مو مسخرة او ضحك

مبلا انا بئلك اياه مسخرة وضحك عالبنات

يعني ازا طيبين هيك بتساوو فينا

لا وبالاخير بتطالعونا نحنا الخاينين وانتو الملائكة

معلش يمكن انفعلت شوي بس ماعجبتني قصة القلب بيحب والعقل بيتزوج

واللي بعرفو انا انو اللي بحب مابيتخلى

شكرا ع صراحتك

والله يبعتلك بنت الحلال

ناطرة مشاركة باقي الاعضاء

حابة اسمع رئي الكل بهالموضوع

1- بترضى انك تحكي عن حبيبتك للناس ولا بتخجل تحكي عنا؟؟

ما بخجل بس ما بحكي لاني من الناس اللي بتكتم محبتها

2- شو رئيك بالحب بالوئت الحالي؟؟
اصلا احنا نجهل معنى الحب الحقيقي
فما بقدر احكم

3- بترضى انك تتزوج اللي حبيتا مهما كانت طريقة تعارفكن؟؟
انا من ناحيتي ما بعرف لاني ما جربت صراحه اني فكر اصلا

بس انا بصراحه ضد الحب بشكل عام

شريرة بعرف

بس انا هيك

شكرا حلا على هاد الموضوع

سلام
انا مو ئصدي انو بيئوول بحبها بس مشان يحكي معها
لاء بالعكس تمام انا عم احكي عن الحب يللي بيخللي صاحبو ينام ويفيق وياكل ويشرب هو وعم يحلم بحبيبتو
وطبعا بعتبار انت سمعانة كتير ئصص حب فسمعانة كمان انو مو بس الشباب بيتركو البنات
كمان كتير في بنات بيتركوا الشباب وبيجرحون اكتر كمان
الفكرة بالحب بحد ذاتو
ما حدا بيقدر يقول طالما انا مارح اتزوجها فمارح حبها هاد التفكير خطأ و ما بيقدر حدا يعمل هيك واذا قدر بيكون ما بيحب بشكل صحيح و ما بيعرف شو هو الحب اساسا
لأن فعلا القلب بيحب ممكن بأي وقت
يعني :
ممكن انا حب انسانة ئوول للدنيا كلها عليها وارفع راسي كمان
وممكن حب (بكل ما تحمل الكلمة من معنى)انسانة بخجل ئوول لأخي عليها بس انا كتير بحبها
لأن الحب عنجد

( أعمى))))

أول شي حلا انتي حطيت ايدك على منبع جراح وآلم الكثير من شباب اليوم

تاني الحب هل الايام على مبدأ هات ايدك والحئني ولحئ اذا بتلحئ اذا حبيت من حكي عليك بسبب او بدون سبب وليك من كلام الناس اللي ما بيرحم

انا من النوع اذا حبيت بحب احكي لاصدقائي المقربين الموثوقين من شان يستفادوا من تجاربي وأغلب رفئاتي بحب ياخدوا بنصايحي لانو دوما بتكون صايبة

كان يقولوا اهل زمان عن الحب انو من الصميم بس هلاء للاسف الحب من شغاف القلب .........؟؟؟؟؟

رح تساليني شو معنى شغاف القلب : هي الطبقة الخارجية التي تغطي عضلة القلب

انا يمكن ما بقدر مر باكتر من تجربة فاشلة بحباتي
لانو بجوز موت من التجارب الفاشلة

انا مع الزواج عن حب لانوو بنظري بيكون من ارووع العلاقات وبيتكون ذكرياتو حلوة

وبالاخير لكلل انسان رأيوووووووووو

ودمتم فتوووووووووووووووووووش

احبها صح ...... بس اتزوجها ((انا مهبول )) 361751eq9

احبها صح ...... بس اتزوجها ((انا مهبول )) 361751eq9

احبها صح ...... بس اتزوجها ((انا مهبول )) 74vk3

احبها صح ...... بس اتزوجها ((انا مهبول )) Ryadhah2ye4

احبها صح ...... بس اتزوجها ((انا مهبول )) 47eh9

يعطيك العافيه حلااااااا احبها صح ...... بس اتزوجها ((انا مهبول )) 361751eq9

احبها صح ...... بس اتزوجها ((انا مهبول )) 62aj5

[/center]

مشكورة دمشقية ع صراحتك

ونور الموضوع بمرورك

وياريت الكل يكون بصراحتك

ومعك حئ الواحد صار يكره الحب

اول شي هلا فيك فتوش بموضوعنا لليوم

منور

وتاني شي معك حئ بكلامك انو الحب صاير ع مبدأ هات ايدك ولحئني

ومن وجهة نظري انو كلام الناس صحي يمكن بيجرح

بس بحس انو بيخلي للحب معنى احلى

يعني تخيل قصة الحب تكون بدون هالحكي

مارح يكون فيا شي يحركا

يعني فيك تئول انو كلام الناس مع كل قساوتو بس ئلو حلاوتا بالحب

يعني بتلاقي اللي بحبو بعضن كل مازاد كلام الناس عليهن بيزيد قربن و حبن من بعضن

انا هيك رئيي مابعرف انتو شو رئيكن

اي نرجع لموضوعنا الاساسي مشان ماطول بالحكي

مائلتلي فتوش بترضى انك تتزوج من اللي بتحبا مهما كانت طريقة تعرفك عليها

اي طابقة مواصفات الايزو ومعها براءة اختراع اي

انا برضى المهم وخلاصة الحكي

أنا بحكي عنها بس مو لكل شخص بس للمقربين مني يلي بيفهمو معناها لأن الحب بوأتنا صار ما لو معنا غير متل حكي أغلبيت الناس و الشباب بشكل خاص "" المصاحبه "" الناس كلها ما عادت تأول حبيبتي بتأول صاحبتي وإذا أل حبيبتي فهو بأول أدامها مشان يلعب بعئلا لأن العاطفه عند البنات هي يلي بتغلب العئل
و الزواج من يلي بحبا بتتبع ماللطريئه يلي تعرفت عليها بس بتتبع لطريئه حكياو تفكيرا معي و تصرفاتا مع باقي الأشخاص يعني والبنت بتبان من نظراتاو لو ما كان لألي أو لحدا تاني
بس ما في مشكله أذا كانت البنت رزينه وما عندا ملعنه أني أتزوجه

و أنا بالنسبه ألي بشكل خاص كنت حابب وحده و كناناوين الزواج بس طلعت حاطتني على مقاعد الأحتياط يعني أذا ما أجا حدا بتتزوجني بس أجا حدا و تزوجت الله يوفئا و يسرلا ما بأول غير هيك

فلا تأولي أنو ألب البنات طيب

على كلن مشكوره حلوش على الموضوع الحلو
تحياتي

اول شي يسلمو ع موضوعك الحلو
تاني شي مزبوط حكيك هلاء الشب بيتعرف ع بنت بس لتسلايه ومستحيل يتزوجه
وعلى فكرا البنات هيك مابتتزوج الشب يلي بتعرفو
ال يعني مشان اذا تزوجتو مارح يكون واثق فيا....

هل تخجل أوتخجلين من معرفة الناس انكـ تحب او تحبين ...؟
لا طبعااا بالنسبه الي.....بس في كتير اي بيخجلو او مجتمع تبعهن مابيسمح

وما رايك في الموضوع بوجه عآآمـ في العصر الحآآآلي ..؟
اكيد موضوع مهم لانو هاد يلي عم يصير
وكلو متخبي بتيابو
الله اعلم بقلب كل واحد ونيتو
وهل تقبل او تقبلين الزواج من شخص احببته عبر اي وسيلة ؟؟
حسب الحب والشخص بترجع مافيني جاوب هيك...
.....................
يسلمو ع موضوعك الحلو كتتير

مممممممممممممممممممممممممممممممممممممممممممممممممممممم

ما بعرف كيف بدي اناقش بالموضوع انتو ما خليتو شي اصلا هههههه

شكرا لكم

تحياتي لكم

ابن الشام

شكرا لكى حلا على الموضوع الرائع
انا عن نفسى بقبل لان اكيد اى واحد بيحب بيتمنى يتزوج اللى بيحبه
اما اللى بيفكرو بعقليه الحب شئ والزواج شئ تانى بجد انا بستغرب عليهم يعنى بحس انها عقول مريضة
و كمان مش بيكون حب من وجهه نظرى بيكون تسليه يعنى يتسلى مع واحدة على ما يلاقى اللى تنفع زوجة