فتى الشام المدلل
مدير منتديات نـــور الــعــيـــــون
عدد الرسائل : 142
العمر : 41
الموقع : من قاسيون اطل يا وطني
العمل/الترفيه : مدرس رياضة - كفي نت
المزاج : هادئ رايئ لابعد الحدود
تاريخ التسجيل : 25/01/2009
 |  موضوع: شاميات حفظنها نحنا وصغار  السبت مايو 16, 2009 12:29 pm | |
|
*** عالصالحية ***
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي .. حلق الالماس إنشا الله يلبقلي
حاكاني شي لا و الله .. زعلني شي لا والله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
جبلي و جبلي يا دادا جبلي روب الحرير إنشا الله يلبقلي
نسيني شي لا و الله .. لوعني شي لا و الله .. و أنا لعندو رايحة
عالصالحية يا صالحة .. لا تقولوا لي وينك يا صالحة
ما غمضت عيوني من مبارحة .. لشوفة حبيبي أنا رايحة
~~~~~~~~~~~~~~~~~~~~~~~~~~~~~~~~~~~~
*** بفتا هندي ***
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
حرير غالي و جنسو عالي .. و ما في منو يا بنات
هات ورجينا منو عطينا .. لنخيط منو بدلات
إنتي حلوة و ثوبك ناري .. بيضة و خدودك وردات
مهما بتعمل لا تتأمل .. إنك تقدر على البنات
و إنتي سمرة قلبك أبيض .. و عالسمرة قالوا حكايات
مهما بتوصف مهما تحلف .. بنعرفها كلها بلفات
إنتي حلوة و حسنك يضوي .. و أحلى من كل هالبنات
فتح عينك بيني و بينك أكثر من عشرة سنوات
سحرتوني و دلعتوني .. هاتوا عقلي يا بنات
مسكين عقلك ما بيلبقلك .. تتبيع بضاعة للبنات
بفتا هندي .. بفتا هندي
شال حرير يا بنات .. اشتروا مني كل شي عندي
بضاعة حلوة يا بنات
------------------------------------------------
*** ليموني هالليموني ***
ليموني عالليموني شامي و الله
و أنا حبابي ظلموني يا دخيل الله
يا لابس الألماس قلبك قاسي
ما بدي وجع راسي خافي من الله
يا لابسة الزهري لا تنقهري
ما بنساكي طول عمري صدقيني و الله
شفتا بدق بعودها دخل وجودها
الورد مفتح بخدودها خافوا الله
يا شاكل النرجس قطفك يحرز
و عيونك سور بتغمز يا سلام و الله
ليموني عالليموني شامي و الله
و أنا حبابي ظلموني يا دخيل الله
~~~~~~~~~~~~~~~~~~~~~~~~~~~~
*** دندرمة ***
دندرمة يا دندرمة .. أنا ببيع الدندرمة
دندرمة بوظة بحليب .. تعا لعندي يا حبيب
ربي لا تقطع نصيب .. سيبني أبيع الدندرمة
يا بنت يلي عالسطوح .. عطيني حقي و لاروح
أنا بهواك لح سوح .. خليني بيع الدندرمة
يا بنت يلي واقفة .. على ايش كنتي خايفة
بس قولي لي شو شايفة .. ما بدك تاكلي دندرمة
دندرمة بوظة بليمون .. تعا لعندي يا حنون
بالقلب كنت مهما تكون .. تعالي دوقي دندرمة
دندرمة يا دندرمة .. أنا ببيع الدندرمة
| |
|
ابن الشام
مدير منتديات نـــور الــعــيـــــون
عدد الرسائل : 123
العمر : 39
الموقع : الكويت
العمل/الترفيه : التصميم
المزاج : التدخين
تاريخ التسجيل : 15/02/2009
| | موضوع: رد: شاميات حفظنها نحنا وصغار الجمعة يوليو 17, 2009 7:27 am | |
| والله رائعات لحد الان متزكر مقاطع منهن يسلمووو يا غالي
والله رائعات جدا
تحياتي لك
ابن الشام | |
|
